Be fruitful and multiply
That’s a natural thing tae dee
But it’s hard fan empty, disused land
Is a that people see –
‘A block of flats is needed there’
‘A shop or office too’,
An the bonnie green an wild place
Becomes a thing that aince we knew.
If I could but show tae ye
The life in one square fit,
The variety o plants that graw
An sae easily tak root –
Far ever they are given room
An freedom for tae grow –
A world o life an colour that
Maist people niver know.
Hiv y ever seen the cities, streets
O the insects a aroon?
The leaves they are maternity wards,
O eggs, larvae, cocoons,
This hidden life we niver see
But the birds and beasties do.
For this their staple diet,
Alang wi seed and floor heids too
D’y ken far a yer veg comes fae?
And fa maks yer fruit sae fine?
Weel the birds an beasties tak the praise
– fertilisin a the time
As they flee aboot fae floor tae floor
Pollinatin a the wye
For centuries they’ve fermed wi sense
Wioot haein tae reason why!
O Aiberdeen sae clean, sae green
A wild field is oot –
Sae strimmers and cutters raze the grun
For the craturs it’s a rout.
A city wi a few trees left
But nae wild plants atween,
Is jist an empty barren land
Nae wildlife tae be seen.
So see the soil on fit you stand
Shared wi craturs, plants an a
Look tae plant fit’s good for them
An let some wild floors graw
An fan y see a mushroom
Ken yir deein a guid thing
Unnerneath the grun, a network’s there
– a fungi nutrient train J
Grace Banks © 2000